تاريخ النشر: 2019-03-25 | 16:51
تاريخ النشر: 2019-03-25 | 16:51
يا طير بلادي بالسما طِير وخُدْ معك دمعة عين بالرجا مُغَلفيييي
ولِربِّ العباد ارفع الشكوى وَوَصِّل الدعا
فلسطين باتت قابعة بين كيد العِدا وتجاهل عرب الدار
يا طير بلادي بالعالي ارفع الصوت وباسم فلسطين غرِّد وعلى شجر بلادي أُنشرْ زقزقاتك واملأ الدنيا شجون
يمكن صوتك للصُّم يِوْصلْ ومعه ضمير الأمة يِصحى
غرد يا طير وثوب فلسطين لا تِغيِّر
وبسما غير بلادي لا تطير وعلى شجر غريب لا تُوْقف
سَمِّعْ الدنيا لحن الصبر وخَبِّرْ العرب بثبات شعب فلسطين وانه قوته الجبارة ما بتخليه يلين واليأس يمكن من غيره ينال لكن على الفلسطيني ما بيقدر لأنه بالإيمان غِناه وبحب الوطن دواه وعشان كرامة الوطن الدم ما له ثمن
يا طير بلادي على الأحبة مُرْ
وعن وجع فلسطين خبرِّهم وطمّنْهم على الحال
بكرا مع الصبر والإيمان راح يِغيبْ الوجع والشمس بقلب فلسطين راح تِنوّر من جديد وتحمل معها كل الأحرار وتداوي جراحهم بالنصر والحريّة
يا طير بلادي طِيرْ وعلّي وانشر البسمة على شفاه أطفال فلسطين وطمنهم انه ربِّ العباد معاهم وراح بإذنه ينصرهم لأنهم أصحاب الحق.
صبراً يا فلسطين
صبراً يا فلسطين
صبراً يا فلسطين
الشمسُ طلوعها بات قريب
جميع الحقوق محفوظة لـ أمد للاعلام © 2007 - 2026
