تاريخ النشر: 2021-03-30 | 18:45
تاريخ النشر: 2021-03-30 | 18:45
العيون شاخصه باتجاه العم سام ماذا سيقول اعملوا انتخابات.. بلاش انتخابات... اجلوها او اعدموها... وكل ذلك بناء علي مجموعه اسئله تدور في الكواليس مثلا ماذا يريد ابو مازن من الانتخابات
تجديد جواز السفر كمان ٥ سنين او ما يسمي بالشرعيه... ليش شو بده في الشرعيه مهو صارلوا ١٣ سنه منتهي الصلاحيه وطلعت ريحته وما زال يستعمل ويقال انه صالح للاستخدام مثل الجاج الفرنسي بس بيغيروا الملصق عليه وتاريخ الصلاحيه..
ابومازن كل ما يريده من الانتخابات استمرار الدعم المالي للسلطه وعوده الاتصالات مع امريكا وطاوله المفاوضات... اذا امريكا قالت اوك بدون انتخابات بيمشي الحال.. اكيد بيمشي الحال وبتروح الانتخابات في خبر كان...
حماس شو بدها من الانتخابات ليش ميتين عل ديمقراطيه مثلا او ما بيناموا الليل حبا وهياما فيها..
حماس بدهم باختصار شراكه عل ورق وتعزيز انقسام عل واقع... واستمرار الدعم المالي لتغطيه النفقات..
المرشحين شو بدهم ؟؟ رواتب ومكافات المجلس وما يترتب علي ذلك..
الشعب شو بده ؟؟؟ بده ينقلعوا كلهم الي جهنم وبئس المصير...
لذلك اذا تحققت اهداف ابو مازن وحماس والمرشحين بدون انتخابات هل يعود لها داعي.. ممكن تتاجل ممكن تلتغي ممكن اعدامها...
وبكل الحالات الراي راي ماما امريكا لان العقده والحل عندها اذا حكت للاوربيين ادفعوا بيدفعوا وللعرب ادفعوا بيدفعوا وللكل اصمت بيصمت لذلك التاجيل وارد والانتخابات هي اخر هم الجميع.
جميع الحقوق محفوظة لـ أمد للاعلام © 2007 - 2026
