الرئيسية مقالات

الي كوشنير

تاريخ النشر: 2019-06-26 | 05:18

+ Aa -

هذا الصعلوك الهامل لا يعرفنا ومن دس له معلومات عنا فقد غشه... الولد كوشنير لا يسمح لامثاله بدخول مجالس الرجال ولا ان يرفع عينه في عيونهم...

من اشتكي له ان لدينا بطاله او قاعدين بالجوع ومن قال له بدنا نرفع معدل الدخل... عمي احنا أعلى نسبه زياده في عدد السكان في العالم عمي احنا أعلى نسبه متعلمين وشهادات عليا وخريجي جامعات في العالم عمي احنا بنفطر ملوخيه ونتعشى خبز وشاي ومش فارقه مع رجلنا..

عمي احنا بنقول للخبز طبز لا اشتكينا ولا بكينا طردونا من بلادنا وقرانا ومزارعنا وسكنا الخيام وزرعنا حوالين الخيمه أحواض نعنع وبقدونش وملوخية وشتلات ورد وسجاده خضرا وبنيه وحمرا... وورد جوري وياسمين... وخم للجاج ونص برميل وشويه طينه وقصل وعملنا فرن للخبز وصواني الجاج وشوي البتنجان وعمل البيتزا..

عمي خذ ملياراتك واقلب وجهك وروح شوف ابوك شو محتاج حل مشاكلوا..

شوف وله احنا مخلعين ضرس العقل يعني فاقعه معانا واذا لقيت كم اهبل او كم عرص او كم هامل يشتغلوا معك رح تلاقي بالمقابل الالاف يضربوك بالصرمايه.. شوف واسمع بكره بيروح ترامب وبعدها بتشوف قيمتك... احنا صحيح طفرانين بس عنا كرامه بتوزع عليك وعلى نسيبك وعلى كل بلدكوا...

احنا صحيح واقعين بس نفسي تقرأ عن الفلسطينيه منيح قبل ما تنخوزق... ويطلعلك واحد زي مهند.. لو تعرف كم مهند عنا...

واخر الكلام انت ومن معك وكل اللي بيسحج لك اقلب وجهك