( قصيدة بالعامية المصرية مهداة لروح الشاعر الثائر عبد الرحمن الأبنودي)
سَمِّعنا بالله يا خال أجمل الأشعار
مش عايزين نسمع نشرة الأخبار!!
*
أصل العرب في" أضرط" الأحوال
بعد الربيع صاروا دمار يا خال!!
*
اللي في عرشُه بكرشُه بِيتكرع
واللي مع العدو خاين وبيطبع!!
*
قُلي إيه العمل بالله عليك يا خال
أَسكت واقول مش عاوز اسمع !!
*
تكلِم يا خال سَمِّعنا بَقى الموال
قال مفيش سُكوت بعد النهارده!!
*
في القدس يامنة " الصرمة" بترفع
لازم نِضرب المِطبعين بالجزمة !!
*
والصاروخ من غزة قلب العدو يخلع
في تل أبيب وعسقلان صوتُه بيرقع!!
*
وشعبنا من جنين رصاصُه بيلعلع
احمل الرشاش واضرب المدفع !!
*
أو احمل نبوت في باب العامود
الأقصى للمسلمين مِش لليهود!!
*
اللي شفناه مع العدو عن السلام
طِلع كِدبة كبيرة ومن غير جدال!!
*
وفي فلسطين لسا هناك رجال
أي والله ..الله يرحمك يا خال!!