أمد / القاهرة / حصلت "اليوم السابع" على نص أخطر المكالمات التى أجراها واستقبلها عادل محمد إبراهيم الشهير بـ«حبّارة» المتهم فى قضية قتل 25 مجندًا بالأمن المركزى، والمعروفة إعلاميا بـ«مجزرة رفح الثانية»، وهى المكالمات التى تم تسجيلها بإذن مسبق من النيابة العامة.

وبتفريغ المكالمات حسب الترتيب الزمنى، تبين أنها عبارة عن 10 ملفات صوتية، تم مواجهة المتهم بها بمعرفة نيابة أمن الدولة، والتى كان يجرى فريق من النيابة التحقيق فيها تحت إشراف المستشار تامر الفرجانى المحامى العام الأول للنيابة، وتحقيقات ضياء عابد، ومحمد جمال، ومحمد الطويلة، وأحمد عمران، وإلياس إمام، وإسلام حمد، ومحمد بركات، ورامى السيد، وكلاء النائب العام.

وأقر المتهم "عادل حبَّارة" أن الصوت الوارد فى تلك التسجيلات صوته، كما تم مطابقته بعد أخذ بصمته الصوتية بواسطة خبراء الصوتيات، فيما تنشر "اليوم السابع" أخطر هذه المكالمات، ونص مكالماته مع المتهمين معه فى الواقعة.

وكانت المكالمة الأولى بتاريخ 18 أغسطس الساعة 20:28 من هاتف محمول مجهول لـ"حبارة"، ومدتها 1:31 دقيقة، وجاء مضمونها كالآتى "حبارة" السلام عليكم.

المجهول: عليكم السلام ورحمة الله وبركاته.

حبارة: إيه يا حبيبى.

المتصل: أهلا يا شيخ إيه أخبارك.

حبارة: الله المستعان.

المتصل: إيه.

حبارة: الواحد بيفكر فى حاجة عسى الله أن يرزقنا الجنة لسة بفكر فيك بالله دلوقتى فى اللحظة ديه وأنت بتكلمنى.. أخبارك إيه يا عم الشيخ.

المجهول: أنت إن شاء الله ماشى ولا إيه.

حبارة: والله فيه شغلة كدة مية المية.

المتصل: فى تنسيق بينك وبين أخوى هناك ولا إيه.

حبارة: لا فيه ناس يعنى أنت عارف بتشوف الوضع ماشى، وفيه لبخة أصلا هناك فإحنا نستغلها وننفذ شغلنا عالسريع كده وربك ييسر.

المتصل: طب فيه حاجة رايحينها ولا أى حاجة.

حبارة: أه بس لما تيجى أبقى أكلمك.

المتصل: جايلك دلوقتى.

فيما جاءت المكالمة الثانية بتاريخ 19 أغسطس، الساعة 5:51 من هاتف "حبَّارة"، ومدتها 00:42 دقيقة من نفس المتصل فى المكالمة الأولى، ومضمونها:

حبارة: سلام عليكم.

المتصل: عليكم السلام أيوة يا أبو عايشة بقولك.. قول لأبو عثمان عند قبلى السدود.. عند اللفة اللى قبلى السدود.

حبارة: اللفة اللى قبلى السدود، ماشى يا حبيبى جزاكم الله خير سلام.

وكانت المكالمة الثالثة بتاريخ 19 أغسطس من رقم مجهول لـ"حبارة" ومدتها00:55 دقيقة من نفس المتصل فى المكالمات، ومضمونها:

 

حبارة: السلام عيكم.

المجهول: بقولك.

حبارة: أيوة يا حبيبى.

المجهول: أنا فى الاتجاه المعاكس.

حبارة: هاا.

المجهول: أنا فى الاتجاه المعاكس، هى اللى بتطخ دلوقتى.

حبارة: فى إيه.

المجهول: هى اللى بتطخ دلوقتى على الحدود فى الاتجاه المعاكس.

حبارة:سيارة.

المجهول: آه..لا..أه..لا عربية..اثنين جرير.

حبارة: جرير.. بتطخ..ها.

المجهول: أه بتطخ عالحدود، مش عارف وقفت ولا ظلت ماشية.

حبارة: بتطخ على تايلاندى.

المجهول: لا لا مش عارف والله بتطخ فى الجو ولا بتطخ على تايلاندى ولا إيه بالظبط.

حبارة: أه تمام تمام قدر الله ما شاء فعل ماشى يا حبيبى.

المجهول: سلام عليكم.

حبارة: وعليكم السلام ورحمة الله وبركاته.

 

وجاءت المحادثة الرابعة بتاريخ 19 أغسطس الساعة 7:38 واردة من نفس الهاتف مدتها 00:47 دقيقة، ومضمونها:

 

حبارة: أيوة السلام عليكم.

المجهول: وعليكم السلام ورحمة الله وبركاته.. بقولك.. جت ليها مدرعة ثانية.. جت ليها واحدة تانية.

حبارة: متحدثا إلى من بجواره ويبدو خلال الحديث أنه يتحدث إلى قائد السيارة التى يستقلها "طب لف.. لف.. لف.. لف وارجع وامشى على طول زى ما كنا ماشيين"، ثم يتحدث إلى المجهول المتصل قائلا "أيوه يا حبيبى".

المتصل: جت ليها واحدة تانية.

حبارة: جت ليها مدرعة تانية.

المجهول: جت ليها واحدة تانية من الماسورة.

حبارة: تمام تمام تمام.

المجهول: بص.

حبارة: ها.

المجهول: ودى الثالثة كمان.

حبارة: يسكت قليلا ثم يتحدث قائلا: ماشى ماشى.

المتصل: السلام عليكم.

حبارة: وعليكم السلام ورحمة الله وبركاته.

 

المحادثة الخامسة بتاريخ 19 أغسطس الساعة 7:40 ومدتها 41 دقيقة ومضمونها:

 

حبارة: السلام عليكم.

المجهول: سلام ورحمة الله وبركاته بقولك

 حبارة: أيوة

 المجهول: دلوقتى صرنا أربعة

 حبارة: متشغلش بالك خلاص إحنا

 المجهول: ماشى ماشى

 حبارة: بس خلاص.. عادى يعنى

 المجهول: الله يسهلك ماشى

 

 المحادثة السادسة بتاريخ 19 أغسطس الساعة 13:13 من شخص يدعى إسماعيل إبراهيم عبد القادر"نفس المتصل فى المكالمة 10، مدتها 3:16 دقيقة" جاء مضمونها كالتالى:

يظهر خلال الصوت تحدث حبارة إلى آخرين متواجدين جواره بعد الرد على الهاتف ويدور حوار بينه وبين أحد المتواجدين، كالتالى:

حبارة: هو انتوا فتحتوا كرتونة فضتوها.. مش الكرتون ذى ما هى

 آخر بجواره: فضينا كله

 حبارة: طب ليه تفضوا كله.. مش بتوعكوا أصلا دى حاجات أمانات. .طب أنا دلوقتى لو مش سامحتكوا إيه هيكون مصيركوا

 آخر بجواره: إحنا ما نعرفش حاجتنا

 حبارة: إزاى أنا حاجتكوا حطيتها لروحها إيه يخليكوا تفضوها

 آخر بجواره: محدش يعرف

 حبارة: ياعم أنا على العموم مش مسامح فى حاجتى وخلاص

 ثم يتحدث إلى المتصل إسماعيل عبد القادر قائلا: السلام عليكم

 إسماعيل :عليكم السلام

 حبارة: أيوة يا حاج.. أيوة يا حبيبى

 إسماعيل: كيف أحوالك

 حبارة: كيف الوضع الحمد لله والله فى نعمة.. إيه أنت نايم ولا إيه

 إسماعيل لا والله كان معايا تليفون.. إداك جارى الانتظار

 حبارة: ما خدتش بالى من الانتظار المهم إيه أخبارك، سمعت أخبار ولا حاجة، ها؟

 إسماعيل: نعم

 حبارة: بقولك سمعت أخبار ولا حاجة

 إسماعيل: الدنيا ملخبطة خالص بالبلد

 حبارة: أنت سمعت أخبار الصبح ولا حاجة

 إسماعيل: أه أه أه

 حبارة: الله أكبر

 إسماعيل: خمسة وعشرين واثنين

 حبارة: تسعة وعشرين

 إسماعيل: بقولك خمسة وعشرين.. ربنا يتقبل

 حبارة: المهم ألف مبروك

 إسماعيل: الله يبارك فيك يا حبيبى وربنا ييسر لك

 حبارة: ربنا ييسر لك أمرك يلا شد من أزر إخوانك مفيش حد ينام

 إسماعيل: والله الناس هنا انضربوا على روسهم بعد اللى حصل امبارح ولا عارف أجمع عليهم أساسا

 حبارة: الله المستعان أنا كلمت صاحبك يشوف أى وسيلة عشان يشد من أزرك

 إسماعيل: صاحبك مين

 حبارة: التخين

 إسماعيل: التخين عنده ظروف صعبة خالص مش عارف أتكلم معاه نسيبه

 حبارة: أنت مالك أنت بقى أنا كلمته، وقال لى خلاص والله بإذن الله أظبط الأمور قلت له أسرع بالله عليك

 إسماعيل: من ساعة ما كلمتنى امبارح وأنا عمال اتصل عليه مردش إلا مرة، وقالى ماشى هنزل وأكلمك تانى واتصل عليه، قلت له أنا بدى أريح شوية، قالى أول ما تصحى كلمنى وقعدت أرن عليه رد عليا النهاردة، وقالى عندى ظروفى واحد اتنين تلاتة.

حبارة: ربك ييسرها والله المستعان

 إسماعيل: كلمة غير واضحة

 حبارة: الله المستعان

 اسماعيل: بإذن الله

 حبارة: السلام عليكم

 إسماعيل: وعليكم السلام

 

 المحادثة السابعة بتاريخ 19 أغسطس الساعة 15:11 صادرة من تليفون "حبارة" إلى رقم مجهول مدتها 1:14 دقيقة، ومضمون المكالمة:

 

حبارة: السلام عليكم

 المجهول: وعليكم السلام

 المجهول: فى إيه

 حبارة: مفيش حاجة بس كنت بباركلك ألف مبروك

 المجهول: الله يبارك فيك على إيه إن شاء الله

 حبارة: ولا حاجة على أربعة وعشرين على الخمسة وعشرين شمعة ولا تسعة وعشرين شمعة دول

 المجهول: أه أيوة أيوة لسه عارف من ساعة كدة

 حبارة: ربنا يباركلك يارب

 المجهول الله يبارك فيك

 حبارة: يلا أى خدمة

 المجهول: الله يبارك فيك يا عم الشيخ

 حبارة: اسمع مع نفسك وما تحكيش مع حد

 المجهول: السلام عليكم

 

 المحادثة الثامنة واردة من هاتف مجهول لـ"حبارة" الساعة 23:24، ومدتها 18:14 دقيقة، وتبين أن اسم الشخص الآخر "عمرو الديماطى".. ومضمون المكالمة:

 

حبارة: السلام عليكم

 المجهول: وعليكم السلام مولانا

 حبارة: أيوه يا حبيبى

 المجهول: فينك شوفلك صرفة يا عم الشيخ فى الشبكة

 حبارة مازحاً: يا عم أنا هفرتكلك كل الشبكات اللى هنا علشان خاطرك أنت أخبارك إيه

 المجهول: شغال بالـ t n t وشغال بالتفخيخ وكلوا

 حبارة: الله المستعان ربك ييسر الخير والمهم طمنى عليك

 المجهول: أنا تمام يا عم الشيخ

 المجهول: أبو صهيب كان بيكلمنى انهاردة

 حبارة:أه

 المجهول: أبو صهيب كان بيكلمنى النهارده بيقولى ممكن يجيلنا يقعد أسبوعين هنا يتدرب فى الوضع ومش عارف إيه بس أنا عايز اتكلم معاه كلمتين الأول

 حبارة: اتفضل قول

 المجهول: دلوقتى الشيخ أبو بكر البغدادى كنت قاعد معاه، وكنت قاعد مع الشيخ عمر الشيشانى، وهما عايزين يفتحوا شغل ويدعموا الشباب اللى عندكم

 حبارة: طب يا عم ياربت

 المجهول: اسمع منى هو جايلى جابلى 10 آلاف دولار، وقال لى اتواصل مع الشباب وشوف هما عايزين إيه، واديهم المبلغ ويشتغلوا ويورونى مجهودهم، ويعملوا فيديو ويتابعوا ويبايعوا أبو بكر والدولة الإسلامية، وهنبعت لهم اللى هما عايزينه والفلوس واللى هما عايزينوا

 حبارة: أنت إيه رأيك انت بتسمع الأخبار

 المجهول مش سامع الأخبار أنا مش متابع التليفزيون

 حبارة: احنا محتاجين دعم بكل ما أوتيت من قوة أنت عارف عملوا إيه فالبلد عندنا

 مجهول: البلد عندكوا تبع الشرقية

 حبارة: أه أه راحوا على أخ خدو الـــ.. راحوا على الآخر فالأخ ضرب عليهم نار قتل اتنين سامعنى بقولك راحوا على الأخ، فطخ عليهم قتل منهم اتنين قتلوه وخدوا أخوه برضه، وضربوا أخوه بالنار.

المجهول: اذبحوهم اذبحوهم يا أبو عائشة، اذبحوهم يا شيخ واحرقوهم حرق

 حبارة :أنت عارف بفضل الله عز وجل.. اللهم لك الحمد أنا هقولك على خبر رهيب رهيب، بص لما أقعد معاك على النت، ده أخوك بفضل الله إلى عمله

 المجهول:تمام تمام، أنت بتبايع أبو بكر ولا لأ

 حبارة: أنا ببايع أبو بكر ومستعد كل الأخوة إلى معايا

 المجهول:بتبايع دولة الإسلام.

حبارة: أيوة دولتنا الدولة إلى بناها أبو مصعب الزرقاوى.

المجهول: أسمع ياعم الحج، أنا الأسبوع ده هبعت ليك عشرة آلاف جنيه

 حبارة: ماشى أسمع قبل ما تبعت، قولى علشان أديك اسم الأخ تعبتهم عليه.

المجهول: اسمع أنا هتصل عليك هما موجودين عندك فى سيناء، هيوصلو عندك.

حبارة: مش عاوزك تربطنى بأى حد فى سيناء

 المجهول: لا لا الناس هنا مظبوطة يا عم الشيخ، يعنى أخ هيكون معانا هنا، يمكن أنت تعرف اسمه أبو عبيدة المصرى.

حبارة: هو من فين.

المجهول: أمير جيش محمد عندينا يا شيخ.

المجهول:إسكندرانى كان مع الشيخ أيمن.

حبارة: أيوة بس بس هو ده إلى أنا.. لا بص يا عمر.. أسمع منى

 مجهول:سامعك.

حبارة: أنا شفت إلى عمرى ما شفته فى تاريخ حياتى من سيناء وناس سيناء علشان كده بقولك ما تربطنيش بحد منها

 المجهول: عندى أخ هيوصلهم ليك.. لو أحمد يعرف يجينى هبعتهملك مع أبو صهيب

 حبارة: أنت عارف الوضع، بلاش تدخل أبو صهيب فى الخط.

المجهول :ليه.

حبارة: أنت عارف كل واحد بيحن لبلده، أنا هقولك على حاجة، والله الذى لا إله غيره، أقسم باللى رفع السماء بلا عمد، أنا لسه شارى بـ1500 جنيه ذخيرة، مكملش أربعة أيام، مش عاوز أقولك أبو صهيب، مدفعش فيهم جنيه واحد

 المجهول: ينفع حد يجينى.

حبارة :المشكلة فى الجوزات.

المجهول: واحد نظيف بجواز ليبى.

حبارة: هى دى المشكلة، أبعتهم على مرتين أوثلاثة، مع واحد مختلف

 المجهول:عاوزك يا أبو عائشة تطول رقبتى وتعمل فيديو وتبعته

 حبارة: أقسم بالله العظيم أنا أضحى بنفسى مخصوص علشان أول حاجة احنا بنتعامل مع الله عزوجل، رقم 2 أنت كنت عاهدت على أبو عائشة الكذب، فمش مشكلة إنك تتعامل معاه من البداية أفضل

 المجهول: أنا عاوزك تعمل فيديو وتنشره على الإنترنت وتبعت الرابط بتاعه، وتقول بين قوسين، نحن رجال وشوف هتسمى كتيبتك إيه، وتقول إحنا دولة الإسلام فى العراق والشام ونبايع أبو بكر البغدادى على دولة الإسلام.

حبارة: تمام تمام، ممتاز ممتاز.

المجهول: اسأل الشاب بتاعك، آر بى جيهات، زبط حالك، وهبعتلك اللى أنت عاوزه.

حبارة ضاحكا: إن شاء الله يا عمورة شكلك كدة هيخليك تترتل وتقعد معايا.

المجهول: خلاص بقيت مطلوب دوليا ولو روحت تركيا هيمسكونى.

حبارة: واحشنى.

المجهول: الحمد لله ربنا تاب عليا بعز مجلس شورى الدعوة يا عم الشيخ.

حبارة :ربنا يحفظك ياما اتمنيت أجيلك معرفتش بس على العموم ربنا فتحها من عنده

 المجهول: ممكن ابعتلك جواز من عندنا هنا أظبطك

 حبارة: ياريت بالله

 المجهول: أهم حاجة الشغل يشتغل عندكم

 حبارة: أهم حاجة ما تربطنيش بخط أبو صهيب.

 

المجهول: أصلى أنا اتكلمت معاه النهاردة، وقالى أنا كنت معا أو عائشة وكنا شغالين و25 عسكرى مش عارف إيه.

حبارة يتحدث ضاحكا: بس بس أنا بقولك متشغلنيش معاه علشان هو أصلا فضيحة

 المجهول: أنت معاك أسلحتك وشبابك وأمورك، والدنيا متنظمة.

حبارة: موجود بأذن الله.

المجهول: أنا مش عاوز منك إلى بس حاجة، تعلن دولة الإسلام على فيديو، وتعمل فيديو ووراك الراية السوداء وتكتب عليها، اللهم قوى دولة الإسلام فى العراق والشام، ونحن من داخل أرض الكنانة، نعلن مبايعتنا لأبى بكر البغدادى.

حبارة: إن شاء الله جماعة المهاجرين والأنصار، تعلن مبايعتها لأبو بكر البغدادى أمير دولة العراق الإسلامية فى العراق والشام.

المجهول: جماعة المهاجرين والأنصار فى أرض الكنانة الكتيبة بتاعتى اسمها جيش المهاجرين والأنصار

 حبارة: أنا هعمل جيش المهاجرين والأنصار.

المجهول :لو وجدت الرسالة بتاعتى يبقى الصفحة أمان.

حبارة :أنا هحاول أظبط الأمور، وأبعتلك الفيديو على صفحتك.

المجهول: ابعت الفيديو على الصفحة، واكتب عليها رسالة فيديو وصلة لأبو جندل المصرى.

حبارة : تمام

 

اليوم السابع