مسلم مش راهب
تاريخ النشر : 2021-03-01 08:16

هو أنا لما أبقي متدين لازم اعتزل الحياة و اسيب الدنيا و ما فيها ..... لازم ألبس جلابية بيضا قصيرة و أربي لحيتي و احلق شنبي .
هل التدين معناه اني ما اعملش حاجة في حياتي غير اني أصلي و اصوم و أقرأ قران و استني الموت .
هل لازم اكره الدنيا علشان اكسب الآخرة و أدخل الجنة .
في الواقع دي صورة التدين اللي واصله لأذهان الناس سواء عن سوء فهم منهم أو بسبب قصور في الخطاب الديني الموجه ليهم .
الدين باختصار جاي علشان ينظم حركة ( الحياة ) يعني موجود للحياة مش للموت .
بمعني إنك تمارس حياتك الطبيعية بنظام الدين و تعاليم الدين .
كل و أشرب و اتفسح و اتفرج ع التليفزيون و أسمع اللي إنت عاوزه و استمتع بكل تفاصيل الحياة تحت مظلة الدين و تعاليمه .