فيديو- شعبان عبد الرحيم يواجه "داعش"..ابو بكر امير المجرمين

تابعنا على:   13:23 2014-11-17

طرح الفنان شعبان عبد الرحيم أغنية جديدة لمواجهة إهارب تنظيم الدولة الإسلامية بالشام والعراق «داعش»، بأغنية جديدة بعنوان «يا أمير المجرمين» من كلمات إسلام خليل، وألحان شعبان عبد الرحيم.

 وأغلب أغانى المطرب الشعبى فى الفترة الأخيرة تناولت قضايا الناس وهمومهم فى طريقة ساخرة عبر أسلوبه المميز فى أداء الاغانى وخاصة تلك الأغنية التى يشن فيها هجوماً شديداً على داعش وأهميرها أبو بكر البغدادى. وتقول كلمات الأغنية:

يا أبو بكر يا بغدادى يا أمير المجرمين.. شكلك غشيم وفاضى، ومعاك حبة مجانين.. خلافة إيه يا أبو خلافة ما تصلى ع الرسول.. كلامك كله خرافة مين اللى باعتك قول..

تسمى نفسك داعش، تسمى نفسك رعد.. الناس خلاص عرفوكوا خاينين وشكل بعض.. قسمتوا الناس فصايل وكتير ضلوا الطريق..

اهو انت واللى زيك الدين منكم بريء.. عارفين اللى مشغلكم وعاملكوا قيمة وشأن.. على رأى واحد صاحبنا أنا ممكن أركب دقن.. الدين ما قالش بيعوا الأطفال والبنات..

 الدين أشرف وأحسن من كل التنظيمات.. قطع الرقاب يا داعش ماكنش فى الإسلام.. ما تعرفونا يا شيخنا قطر دفعالكوا كام..

خلاص مافيش أنفاق ولا فيه تهريب وفحر.. ع البر هاتلاقونا والجو كمان والبحر..

بلاش تلاعبوا جيشنا أصل اللى يلاعبوا يدوخ..

هاتجيلنا فى البلانص هانجيبك بالصاروخ..

 الناس مابتقش تخاف من القنبلة ولا من البومب.. بطلوا بقى زرع قنابل، وازرعوا قلقاس وكرنب.

 جدير بالذكر أن شعبان عبد الرحيم قدم أكثر من أغنية تعلب على أوتار السياسة، حيث كانت بدايته مع أغنية «أنا بكره إسرائيل»، لتستضيفه شبكة «CNN».

وفى إطار حرب القوات المسلحة على الإرهاب شارك شعبان عبد الرحيم بأغنية أيضا بعنوان «كلنا وراء الجيش». وللمساهمة فى المشروع قناة السويس الجديدة، قدم عبد الرحيم أغنية «المشروع الجديد» وقام بتسجيلها مع العمال بالمشروع.

اخر الأخبار