بحبك يا غزة!!
د. عبد القادر فارس
أنا كُنتِ فاكر يا غزة ..
إني تِعبتِ مِنكْ
ماكُنتِش عارف قِيمتك
إلا لَما بِعِدتِ عَنِك
غزة مِش بَسِ كِلمةْ
مِش شَطِ بحر ورَمْلةْ !!
***
غزة أنا ما زهقتِ منك
أنا من شعبِك وأهلِك
وجُوا عروقِي دَمِّك
وهَمِي يا غزة هوَ هَمِّك
وعِشت طول عُمري بَحبِك !!
***
لكنْ لما الغَمِ غَمِّك ولَمِّك
وصار الدم مَيه وِسطِ أهلك
وتصارعنا على كَرسي هالك
رُحتْ لغُربِيتي غَصبِ عَني
لكنْ حَالف يوم لرجع أَضُمِّك !!
***
غزة أنا كُلِ يوم بأشتاقلِك
ولا يوم كِرهتِ طِينك وأرضِك
ومُنيتي أفضَل بِقُربك
وانْ مُتْ بِعيد عَنِك
وِصِيتي أَندِفِن بِتُربِك !!